Zbulohet vajza e Putinit

Një koleg i vallëzimit të Katerina Tikhonova ka konfirmuar se ajo është vajza më e vogël e presidentit rus, Vladimir Putin.

Konfirmimi nga një zyrtar i Konfederatës Botërore të Rock’n’Roll (WRRC) vjen dy vjet pasi Reuters kishte zbuluar marrëdhënien mes Tikhonovës me presidentin, por kjo gjë ishte mohuar nga të dyja palët.

Zëvendës Presidenti i WRRC-së tha për Reuters se e kishte njohur Tikhonovën pasi kishin punuar së bashku në presidencën e konfederatës.

Kur e kishin pyetur nëse e dinte se Tikhonova ishte vajza e Putinit, ai tha: “Po. Unë e njoh atë, natyrisht”.

Ndërsa Kremlini dhe Tikhonova nuk i ishin përgjigjur kërkesës për të komentuar lidhur me këtë çështje.