Reagon Blinken pas sanksioneve të SHBA-së ndaj Dodikut

Sekretari amerikan i Shtetit, Anthony Blinken, ka reaguar pas vendosjes se sanksioneve të reja amerikane ndaj Milorad Dodikut, Milan Tegeltijas dhe Mirsad Kukic.

Blinken përmes Twitterit ka shkruar se Departamenti i Shtetit dhe Departamenti i Thesarit publikisht kanë vendosur sanksione ndaj zyrtarëve të Bosnje e Hercegovinës.

“Departamenti amerikan i Shtetit dhe Thesari Amerikan publikisht kanë vendosur sanksione ndaj zyrtarëve të Bosnje e Hercegovinës për korrupsion dhe sjellje destabilizuese. ShBA-ja mbetet e përkushtuar në angazhimin për një të ardhme më të ndritur për qytetarët e Bosnje e Hercegovinës”, ka shkruar Blinken.

.@StateDept and @USTreasury have publicly designated officials from Bosnia and Herzegovina (BiH) for corrupt and destabilizing behavior. The United States remains firm in its commitment to a brighter future for BiH’s citizens. #UnitedAgainstCorruption

— Secretary Antony Blinken (@SecBlinken) January 5, 2022