Digjet një shtëpi në Obiliq
Në orët e hershme të mëngjesit të djeshëm, një shtëpi në Obiliq është përfshirë nga zjarri.
Rastin në polici e kanë lajmëruar dy persona, të cilët kanë deklaruar që, në rrethana të panjohura, shtëpia e tyre ka marrë flakë.
Sipas raportit të policisë, zjarrfikësit e kanë shuar zjarrin.
Në shtëpi janë shkaktuar vetëm dëme materiale dhe se askush nuk është lënduar.
“Rr. Rasim Hashani, Obiliq, 23.01.2022 – 01:00. Dy ankuesit meshkuj kosovarë kanë informuar se në rrethana të panjohura, në zjarr është përfshirë shtëpia e tyre e përbashkët. Zjarrfikësit kanë shuar zjarrin. Përveç dëmeve materiale nuk raportohet për të lënduar” thuhet në raportin e policisë.