DASH mirëpret Merdiana Lecin, si oficerja e parë ndërlidhëse e Kosovës në SHBA

Diplomacia kosovare tashmë e ka njeriun e saj në Departament të Shtetit, ku amerikanët e quajnë këtë si zhvillim historik.

Merdiana Leci, është kosovarja e cila do të shërbejë në Departamentin Amerikan të Shtetit.

Ajo do të jetë e para që do ta ushtrojë funksionin e diplomates ndërlidhëse në këtë institucion.

Departamenti Amerikan i Shtetit përmes llogarisë zyrtare në Twitter shkruan se ka mirëpritur oficeren Leci.

DASH këtë e ka quajtur marrëveshje historike, e cila theksohet se do ta forcojë më tej bashkëpunimin me Kosovën.

“Sot Departamenti amerikan i Shtetit ka mirëpritur Merdiana Lecin, si oficerja e parë ndërlidhëse diplomatike e Kosovës me@StateDept. Kjo marrëveshje historike do të forcojë më tej mirëkuptimin dhe bashkëpunimin ndërmjet Shteteve të Bashkuara, Kosovës dhe partnerëve në prioritetet e përbashkëta të politikës së jashtme”, thuhet në fund.

Kujtojmë se Ambasadori amerikan në Kosovë, Jeff Hovenier, më 11 janar të këtij viti ka njoftuar se Merdiana Leci do të jetë zyrtarja ndërlidhëse e Kosovës në Departamentin amerikan të Shtetit.

Today @StateDept_NEA welcomed @MFAKosovo’s Merdiana Leci as Kosovo’s first diplomatic liaison officer with @StateDept. This historic arrangement will further strengthen understanding & cooperation between the United States, Kosovo, & partners on shared foreign policy priorities. pic.twitter.com/lTuDgz0cHJ

— U.S. State Dept – Near Eastern Affairs (@StateDept_NEA) February 16, 2022