“Zhgënjyese”, reagon shefi i BE-së pas mosmiratimit të Kodit Civil për martesat e gjinisë së njëjtë

Deputetët e Kuvendit të Kosovës nuk e kanë votuar miratimin e Kodit Civil, i cili lejon martesat e gjinisë së njëjtë.

Lidhur me këtë ka reaguar shefi i Zyrës së Bashkimit Evropian në Kosovë, Tomas Szunyog, raporton Indeksonline.

Ai thotë se mosmiratimi i Kodiv Civil është zhgënjyes.

“Pas hapave premtuese të seancës së sotme të Kuvendit të Kosovës me miratimin në lexim të parë të projektligjeve për financimin e partive politike dhe deklarimin e pasurisë, mosbërja e njëjtë me Kodin Civil është zhgënjyese. Legjislacioni i rëndësishëm nuk duhet të presë”, ka shkruar ai në Twitter.

Following the promising begging of the 🇽🇰 Assembly session today, with the adoption in the first reading of the draft laws on Political Party Financing and Disclosure of Assets, failure to do the same with the Civil Code is disappointing. Important legislation should not wait.

— Ambassador Tomáš Szunyog (@EUAmbKS) March 16, 2022

Në sallë të Kuvendit ishin 77 deputetë, ku pro këtij kodi votuan 28, kundër votuan 29, ndërsa abstenuan katër deputetë./Indeksonline/