Familja shqiptare e pret në iftar presidentin maqedonas

Presidenti i Maqedonisë së Veriut, Stevo Pendarovski, ka ngrënë iftar sonte në një familje shqiptare në Kondovë të Sarajit.

Pendarovski ka uruar qytetarët myslimanë për muajin e Shenjtë, derisa ka falënderuar shqiptarët për mikëpritjen.

Ai kaloi mbrëmjen në fshatin Kondovo në familjen Tanalari.

“Të gjithë bashkëqytetarëve të besimit islam, në muajin e Ramazanit ju uroj një periudhë të qetë agjërimi, lutjeje dhe ditë të lumtura me më të dashurit tuaj”, shkroi ai në llogarinë e tij në Facebook.

“Faleminderit familjes Tanalari në Kondovë për mikpritjen, që më lejuan të jem pjesë e darkës së tyre të Iftarit”, shtoi ai.