Rusia sulmon me raketa termobarike fabrikën e çelikut në të cilën ndodhen qindra ukrainas
Komunikimi me mbrojtësit e fundit të Mariupolit, të fshehur brenda fabrikës së çelikut Azovstal humbi për orë të tëra dje pasi forcat ruse hynë më thellë në kompleksin e fabrikës të mërkurën.
Kryetari i qytetit të rrethuar, Vadim Boychenko , tha se luftime të ashpra po zhvilloheshin brenda fabrikës dhe se kishte humbur kontaktet me ata brenda.
“Ne nuk e dimë se çfarë po ndodh, nëse ata janë të sigurt apo jo,” shtoi ai.
Lajmi i zymtë erdhi sot pasi u shfaqën pamjet që tregonin forcat ruse duke bombarduar Azovstal me raketa termobarike ndërsa tanket dhe trupat depërtonin në një zonë të gjerë industriale.
#Russianarmy has launched an assault on #Azovstal trying to break into the plant. Before it, russian aircraft had bombed Azovstal for several hours. There had been a large-scale fire and smoke visible from all areas of #Mariupol.#StopPutin#StandWithUkraine️#ArmUkraine pic.twitter.com/h4hh3QxQB1
— Chris Ef (@Ef87471472) May 4, 2022
Pamjet e publikuara nga Republika Popullore e vetëshpallur e Donetskut tregojnë gjuajtje me raketa artilerie mbi fabrikën dhe magazinat që ndodhen në qendër të Mariupolit dhe janë streha e fundit e mbrojtësve të qytetit, si dhe qindra civilëve.
Edhe pse Vladimir Putin ndaloi sulmin në Azovstal muajin e kaluar, duket se diktatori rus e ka bërë të kundërten.
Lidhja me luftëtarët e fundit ukrainas në Azovstal u vendos të mërkurën në mbrëmje.
Një video mesazh nga nënkoloneli Denis Prokopenko u postua në Twitter .
Ai tha se forcat ruse po hynin në zonën e uzinës së çelikut dhe se “betejat e vështira, të përgjakshme” ishin duke u zhvilluar./Indeksonline/
‼️Термінове звернення від командира полку «Азов» підполковника Дениса Прокопенка, з приводу ситуації на заводі «Азовсталь». pic.twitter.com/a3E3B4W7iX
— АЗОВ (@Polk_Azov) May 4, 2022
