Kërcenime për Butën, reperi Moss Della paralajmëron trazira pas vrasjes në Ferizaj
![](https://indeksonline.net/wp-content/uploads/2022/05/1122.jpg)
Vrasja e Gazmend Hysenit në orët e hershme të së shtunës ka nxitur reagime të shumta.
Ndër ta ka qenë edhe reagimi i reperit të njohur me emrin “Moss Della”.
Ai ka publikuar disa InstaStory, ku me anë të tyre ka ofenduar dhe kërcënuar rëndë reperin Buta, vëllau i të cilit është i dyshuar për vrasjen e 39 vjeçarit.
Sipas Mossit, “po vijnë ditë të zeza”.
”Burri që është burrë nuk mbyt shokët e vet”, janë disa nga fjalët që ai shkroi në InstaStoryn e tij.
Buta dhe Mos Della janë në një “armiqësi” të mëhershme.
Ata madje i kanë bërë edhe “diss” njëri-tjetrit nëpër këngët e tyre.
Ata kanë përdorur tekstet e këngëve, ku edhe i kanë bërë ftesë njëri-tjetrit që të takohen fizikisht për të “qëruar” hesapet mes tyre.
I pari që kishte filluar lojën ishte Moss Della, i cili përmes një kënge kishte thumbuar reperin me prejardhje nga Ferizaji.
“Hijo De Puta (Diss Buta)”, titullohet kënga e tij, ku në secilin rresht ai i referohet artistit të njohur.
Më pas nuk vonoi dhe përgjigjja e Butës, i cili me anë të një ‘freestyle’ në emisionin Gjoni Black i kishte kthyer ‘diss-in’ në të njëjtën mënyrë.
Ky është reagimi i Mossit:
![](https://indeksonline.net/wp-content/uploads/2022/05/moss1_censored.jpg)
![](https://insajderi.org/wp-content/uploads/2022/05/Screenshot-23.png)
![](https://indeksonline.net/wp-content/uploads/2022/05/moss3_censored.jpg)
Duke kujtuar të ndjerin Gazmendin, Mossi thotë:
“U prehsh në paqe Strella. Nuk të kam njoftë por më dhimbet kushdo që prihet në besë e vritet prej shokëve se shokët janë si familje por njerëzit nuk kanë familje, se dinë qysh është. Ngushëllime familjes së tij, rrethit e shokëve të vërtetë të tij”.