Hoxhaj me ministrin e jashtëm sllovak, i kërkon mbështetje për anëtarësim të Kosovës në Këshill Evropian

Ish-ministri i Jashtëm i Kosovë, Enver Hoxhaj po qëndron në Bratisllavë, në Forumin GLOBSEC 2022.

Hoxhaj, aktualisht nënkryetar i Kuvendit të Kosovës, përmes një shkrimi në rrjetin social Facebook, ka treguar se është takuar me ministrin e Punëve të Jashtme të Sllovakisë, Ivan Korcok, dhe i ka kërkuar mbështetje në anëtarësimin e Kosovës në Këshill të Evropës.

“Një takim i shkurtër me Ministrin e Punëve të Jashtme të Sllovakisë, Ivan Korcok. Si nënkryetar i Kuvendit të Kosovë, nga opozita, kërkova mbështetje të anëtarësimin e Kosovës në Këshillin e Evropës! Kosova është vendi më demokratik në Ballkan dhe i përket Këshillit të Evropës!”, ka shkruar Hoxhaj.

Gjithashtu, gjatë ditës së djeshme Hoxhaj ka njoftuar se ka zhvilluar një takim me ministrin e jashtëm të Austrisë, me të cilin kanë biseduar për liberalizimin e vizave për Kosovën.