Zelensky: Dje vizitova trupat ushtarake në vijën e frontit Luhansk-Donetsk

Presidenti ukrainas Volodymyr Zelensky ka bërë me dije se ka vizituar ditën e djeshme trupat në disa nga pozicionet më të bombarduara të vijës së parë.

Në fjalimin e tij gjatë natës, Zelensky tha: “Ne ishim në Lysychansk dhe në Soledar”.

Të dy vendet kanë qenë nën sulme të rënda ruse për javë të tëra, duke vuajtur nga bombardimet me raketa, raketa dhe ajrore.

“Jam krenar për të gjithë ata që takova, shtrëngova duart, komunikova dhe mbështeta. Unë solla diçka prej ushtarakëve, për ju. Është e rëndësishme: besim dhe forcë.”– tha Zelensky.

Më herët të dielën, Zelensky ishte në qytetin jugor të Zaporizhzhia, ku tha se kishte takuar kryebashkiakët e disa qyteteve të pushtuara.

“U takova me banorët e Mariupolit që arritën të largoheshin nga qyteti të gjallë dhe me fëmijë. I takova në Khortytsia. Kushtet janë të përkohshme, por jo të këqija,” tha ai. “Çdo familje kishte historinë e saj, shumica pa burra. Dikujt burri shkoi në luftë, dikush në robëri dhe dikush, për fat të keq, vdiq.”