Kusari-Lila: Miratimet e sotme në parlament, realizim premtimesh nga Qeveria Kurti

Shefja e grupit parlamentar të Vetëvendosjes, Mimoza Kusari-Lila ka thënë se votimi në lexim të dytë i disa projektligjeve të rëndësishme është realizim premtimesh nga Qeveria Kurti.

“Kuvendi i Kosovës, sot votoi në lexim të dytë:

1. Projektligjin për Deklarimin, Prejardhjen dhe Kontrollin e Pasurisë dhe të Dhuratave
2. Projektkodin për Procedurën Penale
3. Projektligjin për Ekzekutimin e Sanksioneve Penale
4. Projektligjin për Shërbimin Korrektues të Kosovës
5. Projektligjin për Shërbimin Sprovues të Kosovës
   Si dhe, sot në parim u miratua Projektligjit për Byronë Shtetërore për Verifikimin dhe Konfiskimin e Pasurisë së Pajustifikueshme.
   Pakoja e Projektligjeve në drejtësi po hyn në ciklin e plotë të reformës përmbajtësore e cila ishte premtim dhe tani realizim i Qeverisë dhe pozitës në Kuvendin e Republikës” shkruan Kusari-Lila në Facebook./Indeksonline/