Presidenca mohon se Osmani ka kërkuar nga Biden që ta marrë me vete në takim Dua Lipën

Në media ka qarkulluar lajmi se presidentja e vendit, Vjosa Osmani, ka kërkuar që në takim me presidentin e SHBA-së, Joe Biden, ta marrë me vete edhe këngëtaren Dua Lipa.

Këtë e kanë mohuar nga presidenca, duke thënë se Osmani asnjëherë dhe në asnjë rast nuk i ka dërguar letër Presidentit të SHBA-vë, Biden, për ta marrë me vete edhe Dua Lipën në takim.

Bekim Kupina nga presidenca ka shkruar se të gjitha letrat e Presidentes dërguar Presidentit Biden, janë publike dhe ato asnjëherë nuk e kanë pasur një përmbajtje të tillë.

“Demant

Presidentja Osmani asnjëherë dhe në asnjë rast nuk i ka dërguar letër Presidentit të SHBA-ve, Joe Biden, në të cilën thotë se do ta marrë me vete edhe Dua Lipën në takim. Të gjitha letrat e Presidentes dërguar Presidentit Biden janë publike dhe ato asnjëherë nuk e kanë pasur një përmbajtje të tillë”, ka shkruar Kupina.

Tutje ai thotë se raportimet e tilla nga disa medium, janë të pavërteta.