Flet Alketa Vejsiu, tregon raportin me Arbana Osmanin ”rivalen” e saj

Alketa Vejsiu dhe Arbana Osmani janë dy nga moderatoret më të suksesshme në ekranin shqiptar. Ato kanë vite në skenë dhe emisionet që prezantojnë janë gjithmonë më të suksesshmit.

Nisur nga fakti që vajzat janë në televizione rivale, kjo ka bërë kurioz ndjekësit, të cilët janë shumë të interesuar për marrëdhënien e tyre.

Përmes një postimi në Instastory, Alketa ka treguar se me Arbanën nuk ka miqësi, por e respekton punën e saj.

“Miqësi nuk kam, por kam një histori të vjetër kolegesh. Kemi punuar në të njëjtën radio, përfaqësojmë të njëjtën gjeneratë. Edhe në distancë unë respektohem me të gjithë kolegët, sidomos kur janë vajza dhe në këtë mjedis të vështirë siç është industria e mediave ja dalin që të mbijetojnë dhe të bëjnë sukses”, u shpreh moderatorja Vejsiu në Instastory.