Benzema jep informacione për gjendjen e tij, tregon pse u largua nga stërvitja

Francezi, Karim Benzema sqaroi se fakti që u largua herët nga stërvitjet e kombëtares franceze nuk e rrezikon praninë e tij në Botëror.

“Jam mirë. Kam pasur pak dhimbje, por asgjë serioze. Mund të luaj, por nuk jam ende 100 për qind. Nuk bëhej fjalë për të rrezikuar apo jo. Nuk po ndihesha 100 për qind. Ishte vetëm një shqetësim i lehtë. Unë kam punuar mirë në palestër dhe gjithçka është në rregull”, siguroi sulmuesi duke folur për L’Équipe.

Debutimi i Francës në Kupën e Botës 2022 do të bëhet kundër Australisë më 22 nëntor dhe Benzema pritet të jetë titullar në atë takim.