Në ndërtesën e komunës së Bujanocit është vendosur flamuri shqiptar

Kryetari i komunës së Bujanocit, Nagip Arifi, ka vendosur flamurin kombëtar shqiptar në ndërtesën e komunës, ku tashmë janë flamujt e Serbisë dhe të Bashkimit Evropian.

Flamuri shqiptar shfaqet tradicionalisht në 28 Nëntor – Ditën e Flamurit.

Arifi para ngritjes së flamurit ka mbajtur një takim ceremonial me këshilltarët shqiptarë në Kuvendin e Komunës së Bujanocit, anëtarët e Këshillit të Komunës, drejtorët e ndërmarrjeve publike dhe shefat e administratës komunale.

Në Shtëpinë e Kulturës “Vuk Karaxhiq” në Bujanoc është organizuar akademi formale dhe program përcjellës.