“Po i numëroj ditët e fundit të jetës”, çfarë tha Çiro 10 ditë më parë?

Ka vdekur ish-trajneri i Prishtinë Çiro Bllazheviq.

Bllazheviq ishte në një luftë të gjatë me kancerin.

88-vjeçari u cilësua si një nga trajnerët më të mëdhenj në ish-jugosllavi.

Por, çka kishte thënë Çiro Bllazheviq, ditët e fundit të jetës së tij?

Gazeta e njohur kroate Index.hr i ka kushtuar një artikull karrierës së Bllazheviqit.

Madje, kjo gazetë ka kujtuar deklaratën e tij, ditët e fundit të jetës.

Jeni mbledhur në numër të madh. Më keni bërë nder të madh. Por, ky është fjalimi im i fundit në takim publik. Ka mbaruar. “Lamturmirë Çiro”. Po i numëroj ditët e fundit, jam i vetëdijshëm për këtë”, kishte thënë ai.

“Jam shumë i sëmurë. Është shumë e vështirë për mua. Kjo sëmundje e ndyrë më ka përfshirë. Këmbët nuk më mbajnë, kam dhimbje, nuk kam forcë. Është shumë e vështirë. Situata është e vështirë, ta them të drejtën. Kanceri është përhapur në të gjitha kockat e mia dhe në të keqen dhe më së shumti në vend të rrezikshëm, në mëlçi. Dhe, kjo do të shkatërrojë gjithçka dalëngadalë me siguri”, shtoi legjenda kroate.

Këto deklarime 88-vjeçari i bëri në një ceremoni kur e mori çmimin “Vladimr Beara”, në muajin dhjetor.

Çmimin e mori në Zagreb për kontributin e tij në zhvillimin e kulturës sportive dhe tolerancës sociale, trajneri legjendar e kishte paralajmëruar këtë ditë pasi ndihej i dorëzuar.