Policia jep detaje për plaçkitjen e një poste në Zveçan

Policia e Kosovës ka konfirmuar  plaçkitjen e një Poste që ka ndodhur sot në Zveçan.

Komandanti i stacionit policor në Mitrovicën e veriut Zhelko Bojiq ka konfirmuar për plaçkitjen e kësaj poste pa  dhënë detaje tjera.

“Sot rreth orës 17 kemi marr informatën se në postën e Zveçanit ka ndodhur një plaçkitje me armë. Policia ka dal në vendin e ngjarjes dhe po heton rastin”, tha Bojiq.

Ndërkaq  dy persona të maskuar dhe me kallashnikovë kanë plaçkitur Postën Qendrore në qendër të Zveçanit, me ç’rast kanë arritur të marrin rreth 600 mijë dinarë të Serbisë, ose 5 mijë euro.

Sipas këtyre burimeve, ngjarja ka ndodhur rreth orës 16:40. Bëhet e ditur se të dyshuarit kanë përdorur një ‘Opel Vectra’ ngjyrë e kuqe për të ikur nga vendi i ngjarjes.