Sindroma Guillain-Barré në rritje e sipër, rastet aktuale misterioze në Perua, i gjithë vendi bën thirrje për urgjencë shëndetësore

Prof. Dr. Dr. Halil Krasniqi, expert i shëndetësisë

Peruja ka shpallur një emergjencë të shëndetit publik, pas një rritje të pazakontë të rasteve të një sëmundjeje mendore.

“Për shkak të rritjes së pazakontë të rasteve të sindromës Guillain-Barré, urgjenca shëndetësore kombëtare është shpallur për 90 ditë”, tha të shtunën (me orën lokale) Ministria e Shëndetësisë peruane.

Të 25 rajonet e vendit të Andeve me një total prej rreth 33 milionë banorë janë prekur. Në javët e fundit ka pasur një rritje të lartë të rasteve, “gjë që na detyron të marrim masa në nivel shtetëror për të mbrojtur shëndetin dhe jetën e popullatës”, u tha gazetarëve Ministri i Shëndetësisë César Vásquez.

Që nga janari, numri i rasteve është rritur në 180 dhe katër persona kanë vdekur tashmë. Prandaj, shpallja e emergjencës shëndetësore, mundëson blerjen e imunoglobulinave për trajtimin e personave të prekur gjatë dy viteve të ardhshme.

Sindroma Guillain-Barré është një çrregullim neurologjik i karakterizuar nga dobësi progresive e muskujve.

Dobësia e muskujve zakonisht përkeqësohet brenda dy deri në katër javë dhe mund të ndikojë në sistemin e frymëmarrjes. Një nga simptomat më të zakonshme është ndjesi shpimi gjilpërash dhe dobësi në ekstremitete. Nëse sëmundja trajtohet, zakonisht mund të kurohet shpejt.

Sindroma Guillain-Barré është lidhur vazhdimisht me vaksinimet kundër Covid-19 muajt e fundit.