Futbollisti kosovar prezantohet te Dinamo e Tiranës

Baton Zabërgja është prezantuar te skuadra e re pas largimit nga Gjilani. Sulmuesi 22-vjeçar karrierën do ta vazhdoj në kryeqytetin shqiptar, ku ka nënshkruar për Dinamon e Tiranës.

Faqja zyrtare e klubit tiranas e ka prezantuar Zabërgjën, teksa bën të ditur se Zabërgja i është bashkuar kontigjentit në Itali.

“Zabërgja iu bashkua ekipit në fazën përgatitore që u zhvillua në Itali, ndërsa tani është zyrtarisht pjesë e Dinamos për sezonin e ri”, ka shkruar Dinamo.

22-vjeçari që është edhe kontigjent i përfaqësueses së Kosovës, te Dinamo ka shkuar pas eksperiencës me skuadrën e Gjilanit, ndërsa më herët ka luajtur edhe me Drenicën dhe Vushtrinë.