Sheiku nga Katari, bëhet kryetar i FIBA-s

Përmes një njoftimi të lëshuar sot në faqen zyrtare të FIBA-s, është bërë e ditur se në Kongresin e XXII të FIBA-s kryetar i ri i shtëpisë së basketbollit botëror është zgjedhur Sheikh Saud Ali Al Thani.
Ai do të drejtojë FIBA-n në ciklin 2023-2027, pas Kongresit të mbajtur në Manila të Filipeneve sot.

Kujtojmë, FIBA Kampionati Botëror do të nis pasnesër dhe do të zgjasë deri më 10 shtator, ndërsa organizohet në Filipine, Japoni e Indonezi. Botërori i radhës do të mbahet në Katar, prej nga vjen edhe sheiku që sot u bë kryetar.

Ndërkaq në mandatin 2023-2027 në kuadër të kryetarëve kontinental të FIBA-s janë përzgjedhur: Anibal Manave – FIBA Afrika, Fabian Borro – FIBA Amerika, K Govindraj – FIBA Azi, Jorge Garbajosa – FIBA Evropë dhe David Reid – FIBA Oqeani.