Ndërron jetë politikani i famshëm gjerman

Wolfgang Schäuble, një nga politikanët gjermanë më me ndikim të dekadave të fundit, ka vdekur. Schäuble ka qenë dikur president i Bundestagut si anëtar i partisë CDU.

Në karrierën e tij të gjatë politike, Schäuble ishte ministër, udhëheqës i CDU-së, udhëheqës i grupit parlamentar të CDU/CSU dhe kryetar i Bundestagut gjerman. Askush nuk ka qenë deputet më gjatë se ai.

Schäuble lindi më 18 shtator 1942 në Freiburg (tani Baden-Württemberg). Ai studioi për drejtësi, por që herët u tërhoq nga politika. Ai iu bashkua CDU-së në vitin 1965.

Në vitin 1972 fitoi për herë të parë një mandat për Bundestag, ku shërbeu pa ndërprerje deri në vdekje.

Nën kancelarin Helmut Kohl (CDU), ai fillimisht ishte kreu i Kancelarisë Federale dhe Ministri Federal për Detyrat Speciale, dhe nga viti 1989 deri në 1991 ishte Ministër Federal i Brendshëm.

Pas zgjedhjeve federale të vitit 2017, Schäuble u zgjodh President i Bundestagut, posti i dytë më i lartë në shtet, si pasardhës i Norbert Lammert./Indeksonline/