Policia jep detaje për djegien e tri veturave në një ‘’Rent a Car’’ në Pejë

Gjatë ditës së djeshme  tri vetura janë djegur pas një zjarri i cili kishte shpërthyer në një “Rent a Car” në Pejë.

Veturat të cilat janë përfshirë nga zjarri kanë pësuar dëme të konsiderueshme.

E gjatë ditës së sotme Policia e Kosovës ka dhënë detaje  lidhur me këtë.

“Pejë / 02.04.2024 – 04:02. Ankuesi mashkull kosovar ka njoftuar se persona të panjohur i kanë vënë zjarrin tri veturave të tij. Njësitë e zjarrfikësve dhe njësitë policore kanë dalë në vendngjarje. Rasti duke u hetuar”, ka njoftuar policia.

Indeksonline mëson se vlera e veturave të cilat janë përfshirë nga flakët arrinë rreth 50 mijë euro.