Largohen pesë lojtarë nga kampi i Zvicrës, po ngushtohet lista e Euro-s 2024
Kombëtarja e Zvicrës sot gjatë ditës ka bërë njoftimin për largimin e pesë lojtarëve nga kampi i tyre në përgatitje për Euro-n 2024.
Nga lista e Murat Yakinit janë larguar, lojtarët si: Becir Omeragiq, Ulisses Garcia, Aurele Amenda, Bryan Okoh dhe Joëel Monteiro, shkruan Indeksonline
Nga mesi i pesë lojtarëve nuk figuron emri i asnjë shqiptari, ku dimë që të ftuar janë gjashtë lojtarë, përfshirë Granit Xhakën, Xherdan Shaqirin, Andi Zeqirin, Albian Hajdarin, Uran Bislimi dhe Ardon Jasharin.
“Ishte e qartë në fillim se ne do të reduktonim numrin e lojtarëve”, u shpreh Murat Yakin duke treguar gjithashtu se do të ketë emra të tjerë që do ta lënë kampin e “Helvetikëve”.
Gjithashtu paralajmërohet se gjatë ditës së nesërme, Granit Xhaka, Yann Sommer, Ricardo Rodriguez, Manuel Akanji dhe Dan Ndoye do t’i bashkohen grupit./Indeksonline/
Becir Omeragic, Ulisses Garcia, Aurèle Amenda, Bryan Okoh & Joël Monteiro sind nicht mehr dabei / quitteront le pré-camp / lasciano il ritiro.
— 🇨🇭 Nati (@nati_sfv_asf) May 30, 2024
➡ https://t.co/9Z2zM2uAIB pic.twitter.com/2xl9Rul8fH
