Elmedin Rama shpallet kampion me Slavia Pragën B, sulmuesi kosovar shkëlqeu këtë edicion

Futbollisti i Kombëtares së Kosovës në grupmoshat e reja, Elmedin Rama ka pasur sukses qysh në sezonin e tij të parë me fanellën e Slavia Pragës B.

Rama është shpallur kampion në Republikën e Çekisë me skuadrën e tij pas fitores së sotshme 5:4 ndaj Ceske Budejovice B, shkruan Indeksonline

Edhe pse është edhe një xhiro deri në fund të këtij sezoni, Slavia feston titullin kampion me 67 pikë, gjashtë më shumë se vendi i dytë, Domazlice.

Elmedin Rama gjatë këtij sezoni në të gjitha garat me fanellën e Slavias zhvilloi 21 ndeshje, shënoi tetë gola dhe bëri dy asiste.

Kujtjomë që 19-vjeçari në Çeki u transferua nga skuadra kosovare, Trepça gjatë vitit të kaluar./Indeksonline/