Krasniqi për Srebrenicën: Qindra kriminelë serbë vazhdojnë të enden të lirë

Kryetari i Partisë Demokratike të Kosovës, Memli Krasniqi, ka reaguar pasi në Kuvend u miratua Deklarata për Mbështetjen e Rezolutës së Asamblesë së Përgjithshme të OKB-së, për Ditën Ndërkombëtare të Reflektimit dhe Përkujtimit të Gjenocidit të vitit 1995 në Srebrenicë.

Ai thotë se kjo u bë për të dërguar një mesazh të qartë se nuk do të harrojnë se si regjimi kriminal serb, 29 vite më parë kishte kryer gjenocid në Srebrenicë, duke vrarë 8372 civil të paarmatosur.

“Fatkeqësisht, edhe sot, qindra kriminelë serbë që sollën shumë vdekje e shumë dhembje në tërë Ballkanin, vazhdojnë të enden të lirë, pa marrë asnjëherë dënimin e merituar”, ka shkruar Krasniqi.