Nisin kolonat në kufirin Serbi-Kosovë, pritja deri në 1 orë te Dheu i Bardhë

Në hyrje të Kosovës nga territori i Serbisë kanë nisur të krijohen kolona të gjata të automjeteve, raporton IndeksOnline.

Nuk dihet nëse kjo po ndodhë në shenjë revolte pas ngjarjes së fundit në Loznicë ku mbeti i vrarë një polic serb dhe një tjetër u plagos apo nga fluksi i madh i mërgimtarëve që ja kanë mësyrë Kosovës për pushime.

Aktualisht në piken e kalimit kufitar “Dheu i Bardhë”, afër Gjilanit, kolona është e gjatë 450 metra ndërsa pritja po shkon deri në një orë për të hyrë në Kosovë.

Ndërsa në pikën tjetër në Muçibabë, pritja është 20 minuta ndërsa kolona e automjeteve e gjatë 120 metra.

Ndërsa në Merdar nuk ka ende kolonë dhe pritja është 5 deri në 10 minuta.

Këto janë të dhënat e përditësuara nga Qendra Kombëtare për Menaxhim Kufitar në orën 12 e 20 minuta.

Rikujtojmë se nga fundjava pritet të rritet numri i mërgimtarëve që janë kanë mësyrë Kosovës për t’i kaluar pushimet në vendlindje./IndeksOnline/