Hezbollahu lëshon breshëri raketash drejt Izraelit

Hezbollahu tha se lëshoi ​​dhjetëra raketa drejt Izraelit Verior të enjten vonë pasi udhëheqësi i saj u zotua për një përgjigje ndaj sulmit të Izraelit në Bejrutin Jugor në fillim të kësaj jave që vrau komandantin e lartë të grupit militant të mbështetur nga Irani.

Dhjetra raketa u hodhën nga Libani në drejtim të territorit izraelit, thanë të enjten vonë Forcat e Mbrojtjes së Izraelit.

Ushtria vlerësoi se vetëm pesë kaluan në Izrael dhe nuk ka raporte për dëme apo lëndime.

Më herët, sirenat u dëgjuan nëpër komunitete të ndryshme në rajonin perëndimor të Galilesë, pas dy ditësh pa lëshime të zbuluara nga Libani.