Arrestohet një 43-vjeçar në Shalë të Lipjanit, ishte në kërkim për disa vepra penale

Njësiti i Hetimeve të Përgjithshme në Prishtinë, sot ka arritë që të arrestoj një  person të dyshuar për një rast vrasje në tentativë.

Rasti ka ndodhë me datën 02.06.2024 në fshatin Shalë të Lipjanit.

Në koordinim me Prokurorinë dhe Gjykatën Themelore, hetuesit policor  kanë ushtruar kontroll në shtëpinë dhe objekteve përcjellëse (pronë e të dyshuarit), ku kanë gjetur  dhe sekuestruar: një armë zjarri, municion si dhe gjësende të tjera që mund të përdoren si prova në procedurat e mëtejme.

Personi i dyshuar: M.A mashkull, 43 vjeç, shtetas i Republikës së Kosovës,

pas intervistimit me vendim të prokurorit të shtetit është  dërguar në mbajtje për veprat: Vrasje në tentativë, mbajtje në pronësi, kontroll ose posedim të paautorizuar të armëve, importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armeve apo materieve plasëse dhe fajde.