Nisin punimet për rrugën që bashkon fshatrat e Kosovës dhe Shqipërisë

Zyrtarisht kanë nisur punimet për rrugën që do të bashkojë fshatrat Goruzhup dhe Pogaj, fshatra këto që lidhin dy pjesë të Hasit, në Kosovë e Shqipëri.

Lajmin e ka bërë të ditur deputeti socialist, Pandeli Majko, shkruan IndeksOnline.

Përmes një postimi në Facebook, Majko ka publikuar disa fotografi nga nisja e punimeve, ku mes të tjerash ka rastisur të bisedojë edhe me banorët e dy fshatrave.

Pjesë e ceremonisë përuruese të këtyre punimeve ishte edhe zëvendësministri i Infrastrukturës, Hysen Durmishi.

“Projekti është pjesë e protokollit mes dy qeverive! Mbarësi!” shkroi Majko.