Policia jep detaje lidhur me të shtënat në Malishevë, arrestohet një i mitur

Rreth orës 16:00 raportohet për të shtëna me armë zjarri në një lokal në Malishevë.

Lidhur me këtë rast janë deklaruar edhe nga ana e Policisë së Kosovës.

Në një prononcim për Indeksonline, Sheremet Elezaj e ka konfirmuar rastin dhe ka shtuar se një person tashmë është arrestuar.

”Mund ta konfirmoj se rasti ka ndodhur rreth orës 16:00, deri më tashi është arrestuar një person i moshës së mitur”, ka thënë Elezaj.

Indeksonline mëson se ngjarja ka ndodhur afër një lokali të video-lojrave dhe afër Poligoni të armë-gjuajtësit.

Indeksonline do të ju mbajë të informuar lidhur me këtë./Indeksonline/