Shefi i EULEX-it: E dënojmë sulmin në Ibër Lepenc, autorët duhet të mbahen përgjegjës

Shefi i Misionit të EULEX-it, Giovanni Pietro Barbano, ka thënë se e dënon shpërthimin që ka ndodhur sonte në kanalin e ujit të Ibër Lepencit.

Në një postim në platformën X, ai është shprehur se  e mbështet plotësisht reagimin edhe të shefit të Bashkimit Evropian në Kosovë, Aivo Orav, për të njëjtën çështje.

“E dënojmë fuqishëm sulmin e rëndë të mbrëmjes së sotme në kanalin e Ibër Lepencit dhe pasojat e tij të mundshme”.

“EULEX-i është i angazhuar në monitorimin e hetimeve të shpejta: autorët duhet të mbahen përgjegjës”, ka thënë Barbano.

Fully echo @AivoOrav’s strong condemnation of tonight’s serious attack on Ibër Lepenci Canal & its potential repercussions.
EULEX is engaged in monitoring swift investigations: perpetrators must be held accountable.

— Giovanni Pietro Barbano (@EulexHoM) November 29, 2024