Finlanda dënon sulmin në Ibër Lepenc: Po e monitorojmë situatën nga afër, qëndrojmë me Kosovën

Sulmi i të premtes në kanalin e Ibër Lepencit në Zubin Potok, është dënuar ashpër nga SHBA-të dhe shumë shtete të BE-së.

Një reagim i tillë ka ardhur edhe nga Finlanda.

Ambasada e Finlandës në Kosovë e ka dënuar sulmin në kanalin e ujit në Zubin Potok, duke theksuar se është thelbësor për furnizim me ujë dhe funksionimin e termocentraleve.

Nga kjo ambasadë kanë thënë se po e monitorojnë situatën nga afër dhe se qëndrojnë krah Kosovës në përpjekjet për hetimin e rastit.

“Ne dënojmë fuqishëm sulmin në kanalin e ujit në Zubin Potok që është thelbësor për furnizimin me ujë të Kosovës dhe funksionimin e termocentraleve të saj. Ne jemi duke e monitoruar situatën nga afër dhe qëndrojmë me Kosovën në përpjekjet e saj për hetim”, thuhet në postim.