Krijuesi i “Squid Game”: Sezoni 2 tregon atë që po ndodh në botën reale

Një konferencë u mbajt së fundmi në Seul me rastin e sezonit të dytë të ardhshëm të serialit hit të Netflix Squid Game. Konferenca u mbajt në Dongdaemun Design Plaza dhe përveç disa aktorëve kryesorë, u shfaq edhe krijuesi i saj.

Sidoqoftë, Hwang Dong-hyuk nuk u fokusua në serialin në konferencë, transmeton Indeksonline.

Përkatësisht, ai vendosi të tërheqë vëmendjen për gjendjen e jashtëzakonshme të shpallur pak ditë më parë nga presidenti i Koresë së Jugut, Yoon Suk-yeol.

“Ka trazira politike që po ndodhin në Kore dhe unë jam këtu me zemër. Mendoj se është fatale që seriali po del në këtë kohë”, tha Hwang, duke shtuar se sezonin e dytë ai e përshtati me ngjarjet aktuale.

“Sezoni 2 tërheq shumë paralele me atë që po dëshmojmë në botën reale. Kam një ndjenjë se shikimi i sezonit 2 të Squid Game nuk do të jetë shumë ndryshe”, shtoi ai./Indeksonline/