Zyrtare: Alban Shillova transferohet te Prishtina

Alban Shillova është edhe zyratrisht futbollist i ri i Prishtinës.

Sulmuesi i njohur u transferua nga skuadra e Feronikelit ’74, shkruan IndeksOnline.

32-vjeçari rikthehet në klubin nga kryeqyteti, pasi ishte pjesë edhe gjatë viteve 2019-2021, ku kishte regjistruar 23 paraqitje, 6 gola dhe 4 asistime.

“Realisht në këtë afat kalimtar pata disa oferta financiarisht të mira, por oferta e Prishtinës nuk refuzohet. Është hera e dytë që kthehem, pra e njoh aq mirë ambientin dhe peshën e fanellës sa unë mund të them lirisht po kthehem në shtëpi. Dhe, dua të lë gjurmë, dua t’i ndihmoj skuadrës, të vazhdojmë aty ku e kisha lënë, kampion! Shpresoj edhe kryetrajnerit Cavalli t’ia shpërblej besimin e dhënë”, ka deklaruar Shillova pas nënshkrimit të kontratës./IndeksOnline/