Trump bisedon në telefon me presidentin kinez

Presidenti i zgjedhur i SHBA-së, Donald Trump dhe udhëheqësi kinez Xi Jinping kanë folur në telefon sot, tha Ministria e Jashtme e Kinës në një deklaratë.
Biseda vjen përpara inaugurimit të Trump të hënën.
Marrëdhëniet SHBA-Kinë pritet të jenë një nga fokuset kryesore të mandatit të dytë të Trump, me tensionet midis dy superfuqive që po shfaqen në fushën e tregtisë, teknologjisë dhe ishullit të vetëqeverisur të Tajvanit.
Xi nuk do të marrë pjesë në inaugurimin e Trump. Kina do të përfaqësohet në këtë ngjarje nga nënpresidenti Han Zheng./Indeksonline/