Rita Ora bën deklaratën e rrallë për martesën me Taikan

Këngëtarja kosovare me famë botërore Rita Ora, rrallëherë flet për martesën e saj me regjisorin nga Zelanda e Re Taika Waititi.

Në një intervistë të re, ajo bëri një deklaratë për bashkëshortin e saj, transmeton Indeksonline.

“Taika dhe unë jemi praktikisht vetëm miqtë më të mirë dhe mendoj se donim të jetonim kështu përgjithmonë”, komentoi ajo për revistën Hunger.

Ajo tha gjithashtu se Taika ishte një nga burimet e saj të frymëzimit për albumin e saj të fundit You & I, i cili u publikua dy vjet më parë.

Si për kujtesë, Rita dhe Taika u panë në vitin 2018 dhe filluan të takoheshin në vitin 2021, kur të dy po xhironin në Australi. Ata u martuan në vitin 2022 në Los Angeles dhe këngëtarja e njohur publikoi vetëm foto nga dasma rreth një vit pas ceremonisë.

Çifti e konfirmoi martesën e tyre vetëm një vit më vonë dhe Rita i tha revistës Grazia në atë kohë se ata kishin improvizuar gjithçka. Ajo ka treguar gjithashtu se para Taikës kishte pasur lidhje që nuk i shkonte, por me regjisorin ndjente se gjithçka ishte ashtu siç duhej./Indeksonline/