Pa stadium, por këtij derbi nuk i humbet vëmendja/ Sot, superndeshja Drita – Gjilani

Sot fillon java e 26-të në Superligën e Kosovës dhe në program është derbi më i madh në elitën e futbollit tonë.

Drita e pret Gjilanin në ndeshjen derbi të kësaj jave, që fillon nga ora 14:00, shkruan Indeksonline

Edhe pse këto dy skuadra ka vite që po luajnë në një terren sintetik, për shkak të mungesës së stadiumit, por kjo nuk e zbehë aspak rëndësinë e kësaj përballje.

Drita është në pozitën e parë me 54 pikë, kurse Gjilani në pozitën e 4-të me 35 pikë. Të dyja këtë sezon kanë objektiva të ndryshme.

Ndeshjen e fundit midis tyre e kishte fituar Gjilani me shifrat minimale 1:0./Indeksonline/