Zelensky: Rusia po refuzon haptazi armëpushimin

Presidenti ukrainas, Volodymyr Zelenskyy tha se Rusia po “refuzon haptazi të pushojë zjarrin” dhe “nuk ka frikë”.

Në një video të publikuar në X, presidenti ukrainas tha se Vladimir Putin “mbetet i fokusuar në vazhdimin e luftës”.

Ai pohoi gjithashtu se propagandistët shtetërorë rusë “po përgatisin audiencën e tyre për idenë se diplomacia nuk do të sjellë asnjë rezultat”.

“Ka vetëm një arsye për këtë në Moskë, ata nuk kanë frikë”, tha ai.

“Nëse nuk ka presion të mjaftueshëm ndaj Rusisë, ata do të vazhdojnë të bëjnë atë që janë mësuar të bëjnë, të vazhdojnë luftën. Ne të gjithë duam që kjo të përfundojë. Paqja është e nevojshme dhe ajo duhet të jetë e qëndrueshme”, përfundoi presidenti ukrainas.

Thirty four days ago, Ukraine responded positively to the U.S. proposal for a full and unconditional ceasefire. And for thirty four days now, Russia has been openly refusing to cease fire. Putin remains focused on continuing the war. Russian state propagandists are preparing… pic.twitter.com/nqSlegFOMD

— Volodymyr Zelenskyy / Володимир Зеленський (@ZelenskyyUa) April 14, 2025