Adobe do të lansojë versionin celular për gjenerim të imazheve me inteligjencë artificiale

Adobe planifikon të lansojë një version celular për gjenerimin e imazheve të inteligjencës artificiale “Firefly”.

Gjigandi i softuerit të dizajnit tha se do të lëshojë “Firefly” në iOS dhe Android “së shpejti”, pa dhënë një datë specifike.

“Njerëzit krijues mendojnë në lëvizje”, tha për CNBC Alexandru Costin, nënkryetar i Adobe Firefly.

“Një nga vizionet që kemi është që aplikacioni celular Firefly të bëhet një partner krijues që qëndron me ju gjatë gjithë kohës.”

Costin tha se një mënyrë se si krijuesit mund të përdornin aplikacionin e ardhshëm celular ishte t’i kërkonin të skiconte disa ide rreth një fushate reklamash gjatë udhëtimit në zyrë, në mënyrë që në kohën kur të mbërrijnë në punë ata të kenë mundësi për t’i ndihmuar të zhvillojnë të menduarit e tyre.

Adobe njoftoi gjithashtu lansimin e modeleve të saj më të fundit të AI, Firefly Image Model 4 dhe Firefly Image Model 4 Ultra, dhe tha se modeli i ri Firefly Video për gjenerimin e videove tani është i disponueshëm.

Kompania tha se sistemet e reja janë të afta të gjenerojnë fotografi dhe video hiper-realiste në përgjigje të kërkesave tekstuale në një mënyrë të sigurt, duke bllokuar përfshirjen e çdo prone intelektuale.