Prezantohet Nissac Micra i ri, duket fantazi

Nissan sapo ka prezantuar Micra-n, një makinë që tani ka kaluar një tranzicion të madh, nga një makinë e thjeshtë qyteti me motorë me djegie të brendshme në një makinë elektrike më të sofistikuar me një dizajn retro.

Në shikim të parë, nëse e lëmë jashtë pjesën e përparme, është e qartë se forma e Micra-s i ngjan Renault 5, gjë që është logjike sepse Nissan- i i ri rrjedh nga ai model, me të cilin ndan teknologjinë dhe platformën.

Nissan fillimisht do ta ofrojë Micra-n me dy sisteme fuqie, të dyja me nga një motor të vetëm të montuar përpara. Një kombinim më i fuqishëm është një paketë baterie 52 kWh që është e kombinuar me një motor 150 kf (245 Nm) që vë në lëvizje rrotat e përparme.

Shpejtësitë e karikimit janë të kufizuara në 100 kW në stacionet e karikimit DC për versionin me bateri 52 kWh dhe 80 kW për modelin 40 kWh.

Fuqia maksimale e karikimit AC për të dy modelet është 11 kW. Në rastin më të mirë, të dy do të karikohen nga 10 në 80 përqind në rreth 30 minuta me një karikues të shpejtë. Të gjitha modelet Micra do të përfshijnë gjithashtu një pompë nxehtësie si standard.

Të gjitha modelet kanë rrota 18-inç, vetëm modeli bazë ka rrota çeliku, ndërsa të tjerat kanë rrota aliazhi.

Makina është pak më e shkurtër se 4 metra dhe më e ngushtë se 180 cm, dhe se baza e rrotave është 254 cm. Kjo do të thotë që hapësira brenda është identike me atë të Renault-it, që do të thotë se hapësira nuk është pika e tij e fortë, por në të njëjtën kohë nuk është as shumë e ngushtë. Kapaciteti i bagazhit është 326 litra.

Micra e re do të mbërrijë në fund të vitit 2025 dhe megjithëse çmimet nuk janë njoftuar ende, priten që ato të jenë të ngjashme me ato të Renault 5, pra pak më pak se 30,000 euro për modelin fillestar me 122 kuaj fuqi dhe një bateri më të vogël./Indeksonline/