Plani operativ “Motoçikleta”, për 9 ditë Policia në Ferizaj shqiptoi 45 gjoba

Policia në Ferizaj ka njoftuar se nga 1 deri më 9 qershor i ka shqiptuar 45 gjoba dhe ka konfiskuar 30 motoçikleta për mungesë dokumentacioni dhe shkelje të rregullave të trafikut.

“Më 15 maj 2025 ka nisur zbatimi i planit operativ “Motoçikleta 2025” nga Policia Rajonale e Ferizajt, me qëllim rritjen e sigurisë në komunikacion. Në muajin qershor – 2025, prej datës 01 – 09 janë shqiptuar 45 gjoba dhe janë konfiskuar 30 motoçikleta për mungesë dokumentacioni dhe shkelje të rregullave të trafikut. Kontrollet do të vazhdojnë edhe në ditët në vijim. Qytetarët inkurajohen të raportojnë shkeljet përmes aplikacionit “Lajmëro Policinë” ose duke telefonuar në numrat: 192, 0290/326-250 dhe 0290/322-406.  Të gjitha informacionet e raportuara ruhen në konfidencialitet të plotë.”