PSG përfundon stërvitjen me Realin, e radhës me Chelsean në finale

PSG është finalistja e dytë e Kupës së Botës për Klube.

Skuadra franceze e kishte të lehtë në gjysëmfinale, pasi e mposhti Real Madridin, me rezultat 4-0, shkruan IndeksOnline.

Dominimi i PSG-së nisi nga fillimi, ku Fabian Ruiz i dha epërsinë në minutën e 6-të.

Pas tre minutave, Ousamane Dembele dyfishoi rezultatin.

Fabian Ruiz me golin e dytë personal e qoi rezultatin në 3-0, në minutën e 24-të.

Golin e fundit të ndeshjes e shënoi Goncalo Ramos, në minutën e 87-të.

Kampioni i Evropës tashmë synon një tjetër trofe, pasi në finale do të përballet me Chelsean.

Finalja e madhe zhvilohet ditën e diel më 13 korrik, nga ora 21:00./IndeksOnline/