Aksident zinxhiror në autostradën Lushnje – Fier, përfshihen 6 automjete

Një aksident zinxhiror është regjistruar sot në autostradën Lushnje–Fier, në zonën e kthesës së Kolonjës, ku janë përplasur gjashtë automjete.

Nga ky aksident nuk ka persona të lënduar, por dëmet materiale janë të konsiderueshme, shkruan Abcnews.al.

Si pasojë e përplasjes, është krijuar një radhë kilometrike automjetesh, që shtrihet nga kthesa e Kolonjës deri në kryqëzimin e Vajkanit, duke bllokuar qarkullimin në këtë aks shumë të frekuentuar.

Në vendngjarje kanë mbërritur shërbimet e Policisë Rrugore dhe autoambulanca. Qarkullimi i automjeteve u normalizua një orë pas aksidentit.

Policia Rrugore vijon hetimet për zbardhjen e shkaqeve që çuan në aksident.

Pamje