Njëvjeçari kafshon për vdekje gjarprin, i mbijeton incidentit

Një djalë njëvjeçar në fshatin Bettiah të Biharit kafshoi një kobër për vdekje pasi gjarpri thuhet se i u mbështoll rreth dorës ndërsa ai po luante pranë shtëpisë së tij.

Fëmija, siç raporton “India Today”, i identifikuar si Govinda, ra pa ndjenja menjëherë pas kësaj dhe u dërgua me urgjencë në spital, transmeton Klankosova.tv.

Vendësit thanë se kobra ishte rrëshqitur shumë afër, duke e shqetësuar ndoshta foshnjën. Në atë që ata e përshkruan si një akt refleksiv, fëmija i nguli dhëmbët gjarprit, duke e vrarë menjëherë.

Disa orë më vonë, gjendja e Govindës filloi të përkeqësohej. Familja e tij e çoi fillimisht në një qendër shëndetësore parësore, nga u dërgua në Kolegjin dhe Spitalin Mjekësor Qeveritar në Bettiah.

Mjekët thanë se fëmija tani është në gjendje të qëndrueshme dhe nën vëzhgim.

Mateshwari Devi, gjyshja e fëmijës, tha se nëna e Govindës ishte aty pranë duke mbledhur dru zjarri kur u shfaq gjarpri. “Gjarpri doli dhe fëmija e goditi me diçka dhe pastaj e kafshoi dhe e vrau. Ishte një gehuaan (kobër). Fëmija është vetëm një vjeç”, tha ajo.