Situatë kritike! Shtëpitë rrethohen nga zjarri në “Kasapaj” të Delvinës, flakët përhapen me shpejtësi

Këto pamje vijnë nga lagjja “Kasapaj” e Delvinës, aty ku zjarri ka dalë jashtë kontrollit.

Flakët po u afrohen banesave, ndërsa forcat zjarrfikëse po punojnë pa pushim në terren për neutralizimin e flakëve. Banorët janë evakuuar nga zonat e rrezikuara, megjithëse disa prej tyre bëjnë rezistencë.

Në Delvinë, zjarri i depërtuar nga Syri i Kaltër ka përfshirë fshatrat Pecë, Sirakat dhe Kardhikaq, duke arritur deri pranë kurorës së bashkisë. Flakët u shtrinë nga Vllahati drejt Kakodhiqit, e po ashtu kanë depërtuar në qytet.