“Mbretëresha e Ketaminës” pranon fajësinë për vdekjen e Matthew Perry-t

Gruaja nga Kalifornia, Jasveen Sangha, e njohur si “Mbretëresha e Ketaminës”, ka pranuar të deklarohet fajtore për akuzat se ajo i krijoi recetën që vrau yllin e serialit “Friends”, Matthew Perry, thanë prokurorët të hënën.

Sangha, gjyqi i së cilës ishte planifikuar të fillonte në shtator, do të deklarohet fajtore për pesë akuza sipas një marrëveshjeje për pranimin e fajësisë, transmeton Indeksonline.

Marrëveshja për pranimin e fajësisë vjen pak më shumë se tre javë pasi mjeku nga Kalifornia Salvador Plasencia, një tjetër nga pesë personat e akuzuar në lidhje me vdekjen e Perry-t, u deklarua fajtor për katër akuza për shpërndarje të paligjshme të ketaminës.

Sangha, e përshkruar nga autoritetet si një trafikante droge e njohur për klientët dhe “Mbretëresha e Ketaminës”, akuzohet për furnizimin me dozën që i mori jetën Perry-t. Një autopsi arriti në përfundim se Perry vdiq nga efektet e ketaminës, të cilat, të kombinuara me faktorë të tjerë, bënë që aktori të humbiste ndjenjat dhe të mbytej në vaskë më 28 tetor 2023. Ai ishte 54 vjeç./Indeksonline/