Aksidentohen dy vetura në qendër të Prishtinës

Një aksident trafiku ndodhi pasditën e sotme në qendër të Prishtinës, ku dy vetura u përplasen rëndë ndërmjet vete.

IndeksOnline raporton se aksidenti mes një Golf-i dhe një Skoda ndodhi në kryqëzimin kryesor në rrugën “Luan Haradinaj”, përballë BQK-së.

Në vendin e ngjarjes kanë arritur njësitet relevante të policisë, përfshirë dhe autoambulanca.

Ende nuk dihet mbi numrin e pasagjerëve të lënduar, sakaq nuk dihen as shkaqet e aksidentit.

IndeksOnline do t’iu mbajë të informuar mbi rastin.