Gruaja e Bruce Willis zbulon pse nuk jetojnë më bashkë
Gruaja e Bruce Willis, Emma Heming Willis, ka ndarë detaje të reja rreth jetës së tyre familjare që kur aktori i famshëm luftoi me demencën frontotemporale (FTD).
Duke u shfaqur në emisionin e Diane Sawyer, Emma & Bruce Willis: The Unexpected Journey, 47-vjeçarja Emma shpjegoi pse ylli 70-vjeçar i Die Hard nuk jeton më në shtëpi me të dhe vajzat e tyre, transmeton Indeksonline.
Bruce tani jeton në shtëpi me kujdes të plotë nga kujdestarët e tij.
“Ishte një nga vendimet më të vështira që kam marrë ndonjëherë,” pranoi Emma. “Por e dija, mbi të gjitha, se Bruce do ta kishte dashur këtë për vajzat tona. Ai do të kishte dashur që ato të ishin në një shtëpi që i përshtatej më shumë nevojave të tyre sesa të tijave.”
Ajo theksoi se ajo dhe vajzat janë ende aty për të. “Ne jemi shpesh aty për të qenë me Bruce-in”, shtoi ajo.
“Është shtëpia jonë e dytë, kështu që vajzat kanë gjërat e tyre atje,” ndau Emma. “Është një shtëpi e mbushur me dashuri, ngrohtësi, kujdes dhe të qeshura. Ishte e mrekullueshme ta shihje këtë, të shihje sa shumë miq ende vijnë për vizitë. Ato sjellin jetë dhe argëtim.”/Indeksonline/
