Baraliu: Klasa politike s’e ka kuptuar që duhet bashkëpunim, zgjedhjet e kumtuan këtë

Profesori Mazllum Baraliu, thotë se ka paqartësi si në aspektin e zbatimit të Kushtetutës, ashti edhe në zbatimin e rregullores së kuvendit.

Kështu u shpreh ai në Klan Kosova, rreth (mos)konstituimit të kuvendit..

“Është dashur të ketë një marrëveshje politike, ose një kompromis për marrëveshje githëpërfshirëse qeverisëse”, shton njohësi i Kushtetutës.

Baraliu shton se vendi pavarësisht zhvillimeve në politikë, nuk gjendet në situatë të jashtëzakonshme.

“Jemi në një situatë ku nuk funskionojnë në mandatin e tyre dhe brenda mandatit, as kuvendi e as qeveria. Është dashur nga fillimi, kur është komunikuar rezultati preliminar i zgjedhjeve të fundit, të kuptohet nga kjo klasë politike që votuesi kësaj radhe nuk ia ka dhënë besimin askujt, që të ketë mundësi që ta bëjë vetë qeverinë. Këta është dashur ta kuptonin këtë”, thotë tutje ai.

Sipas tij, kjo situatë ka krijuar një mozaikë për bashkëpunim.