Lajm i mirë, ish-presidenti i Interit del nga spitali dhe kthehet në shtëpi

Ish-presidenti i Interit, Masimo Morati fitues i tripletës, ishte shtruar në spital për më shumë se një muaj, 32 ditë për të qenë të saktë, në Institutin Humanitas në Rozzano me një rast të rëndë pneumonie. Më 26 gusht ai u shtrua në kujdes intensiv dhe pas një periudhe fillestare shqetësimi, Morati filloi të përmirësohej ngadalë.

Gazzetta dello Sport raporton se Morati ka dalë nga klinika dhe është kthyer në shtëpi.

Ai ka pasur në krah gruan e tij Milly, fëmijët e tij dhe motrën e tij Bedi, dhe gjithmonë ka qenë në gjendje të ndjekë ngjarjet e Interit të tij të dashur, një dashuri për futbollin që nuk është zbehur kurrë edhe pasi ai u largua nga presidenca.